Opening the chapter…
The title of the sixte and fourtithe salm. To victorie, a salm to the sones of Chore.
Alle ye folkis, make ioie with hondis; synge ye hertli to God in the vois of ful out ioiyng.
For the Lord is hiy and ferdful; a greet kyng on al erthe.
He made puplis suget to vs; and hethene men vndur oure feet.
He chees his eritage to vs; the fairnesse of Jacob, whom he louyde.
God stiede in hertli song; and the Lord in the vois of a trumpe.
Synge ye to oure God, synge ye; synge ye to oure kyng, synge ye.
For God is kyng of al erthe; synge ye wiseli.
God schal regne on hethene men; God sittith on his hooli seete.
The princes of puplis ben gaderid togidere with God of Abraham; for the stronge goddis of erthe ben reisid greetli.
Source
Wycliffe Bible (c.1395). Digital text: CrossWire SWORD module (from Wikisource / Wesley Center Online transcriptions). Licensed under CC BY-SA 4.0 (https://creativecommons.org/licenses/by-sa/4.0/). Source: CrossWire SWORD module Wycliffe (converted to USFM; no wording changed). Changes: reformatted for display (USFM to verses); no wording changed. Audio (including text-to-speech) and other adaptations are shared under CC BY-SA 4.0. Middle English (c.1395).
Sign in to hear David
Sign in